Miscellaneous
El Toma3 de Xixón acueye esti viniente domingu 28 de xunu la grabación d’esti ciclu de conciertos en formatu íntimu, grabaos y emitíos per Internet. En marzu del 2019 nacía Amosando, un ciclu de presentaciones de discos entamáu por musicasturiana.com, con un formatu ente conciertu acústicu con aforu reducíu, programa de televisión y alderique; too ello retresmitíu per Internet pa qu’aporte a persones de tol mundu. Silvia Quesada -cantante de Tejedor y Los Gatos del Fornu- va presentar ‘Prefiero Ver Llover’, la so segunda referencia discográfica en solitario na que’l so soníu evoluciona hacia una propuesta pop mui cuidada y completa. Pela so parte, Cerezal van tocar los temes de ‘La Cereza’l Cielu’, un discu qu’entemez folk, pop, rock y incluso electrónica, llevando a la música de raíz tradicional a nueves sonoridaes. Los dos trabayos son una renovación dientro de la música fecha n’asturianu y tuvieron premiaos nos AMAS 2020. La llibrería-café Toma3 de Xixón va acoyer esta grabación a les 17.00h d'esti domingu 28 de xunu. La entrada ye de baldre pero’l so aforu ta llendáu a les persones que ganen una invitación participando nun sortéu al traviés de les redes sociales de la tienda online y distribuidora dixital musicasturiana.com, organizadora del eventu xunto col realizador audiovisual Javier Lueje y Goxe Producciones. -El mundu dende Asturies- Alderiques 2.0 ye una plataforma dixital de radio y televisión ensin porgüeyu económicu Entrevistes ya información veraz n'asturianu Inspirador y creativu: Samuel Gradín - Voz n'off: Laura Iglesia - Asesoramientu informáticu: Enol Puente -Web: http://www.alderiques.com -Twitter: https://twitter.com/Alderiques -Facebook: https://www.facebook.com/alderiques -Instagram: https://www.instagram.com/alderiques/ -Contautu: contautu@alderiques.com