မင်းနဲ့ငါ တစ်ညတာ မင်းလည်း ပြောစရာရှိတာတွေ မပြောနဲ့တော့။ ငါလည်း ပြောစရာရှိတာတွေကို မပြောတော့ဘူး။ မင်းကြီးပြင်းခဲ့တဲ့မြို့။ မင်းငယ်ဘ၀။ ငါကြီးပြင်းခဲ့ရာမြို့။ ငါ့ငယ်ဘ၀။ ငါတို့ရဲ့ အမှတ်ရစရာတွေ။ငါတို့ရဲ့ ခံစားခဲ့ရမှုတွေ။ ငါတို့သီခဲ့ကြတဲ့တေးတွေရင်ထဲမှာပဲ သိမ်းထားလိုက်ကြစို့။ လူဆိုတာ ပျော်ရွှင်စရာတွေ့ရင် ပြုံးရယ်မှာပဲ။ ၀မ်းနည်းစရာတွေ့ရင် ငိုမိမှာပဲ။အကျပ်အတည်းတွေ့ရင် ရုန်းကန်မှာပဲ။ ငါတို့ မမြင်နိုင်သေးတဲ့ တရားဓမ္မတွေ၊ ငါတို့မသိသေးတဲ့ သံဝေဂတွေ သူ့အတိုင်းပဲ ရှိနေပါစေကွာ။ ဘယ်အရာကို ပိုကောင်းအောင် လုပ်နိုင်မလဲ။ဒါကို ငါစဉ်းစားမိသလို ဘယ်အရာကို ပိုဆိုးမသွားအောင် လုပ်ထားနိုင်မှာလဲ။ မင်းလည်း စဉ်းစားမိမှာပါကွာ။ တို့ ဒီနေ့အဖို့ ပေါင်မုန့်ကလေးတစ်လုံးကောင်းကောင်းဖုတ်မယ်။ သလဲပင်ကလေးကို ရေလောင်းမယ်။ အဝေးကရောက်လာမယ့် စာပို့သမားကိုလည်း စောင့်မျှော်မယ်။ မင်းလည်း ပြောစရာရှိတာတွေ မပြောနဲ့တော့။ ငါလည်း ပြောစရာရှိတာတွေ မပြောတော့ဘူး။ အတွေ့အကြုံ ဖြတ်သန်းမှု မတူပေမယ့် ခံစားချက်တွေဟာ ဒီအတိုင်းပဲ။ကမ္ဘာကြီးဟာလည်း တစ်ခုတည်း။ မနက်လင်းရင် အရှေ့အရပ်က ထွက်ပေါ်လာမယ့် နေမင်းကြီးကို ငါတို့ စောစောထကြည့်ကြမယ်။ငါတို့ ငြင်းခုံဖို့ မလိုတော့ဘူး။ ငါတို့ ဆွေးနွေးဖို့ မလိုတော့ဘူး။ စက်သီးကြိုးနဲ့ ကျောက်တုံးရေတွင်းထဲကရေကို ငါငင်မယ်။ မင်းက သလဲပင်ကလေးကို လောင်းပါ။ တကယ်တော့ ပေါင်မုန့်တစ်လုံးထက် ပေါင်မုန့်နှစ်လုံးက ပိုကောင်းတာပေါ့ကွာ။ ဒါပေမဲ့ ပေါင်မုန့်တစ်လုံးတည်း မင်းဖုတ်ခဲ့လည်း ငါကျေနပ်ပြီ။ မီးဖိုထဲကမီးတွေ ငြိမ်းသွားလို့ အအေးဓာတ် စတင်ဖြစ်ပေါ်လာခဲ့ရင် မင်း ငါ့အနားကို တိုးပါ။ မင်းကို ငါပွေ့ဖက်ထားမယ်။ နွေးအောင်ပေါ့။ ဒီထက်မပိုဘူး။ တကယ်လို့ မင်းနားထောင်ချင်ရင် ငါအလေးအနက် ပြောခဲ့တဲ့ စကားကို ဘေးဖယ်ထားပြီး မင်းကို အကြောင်းအရာတစ်ခု ပြောပြမယ်။ ဟိုး ငါငယ်ငယ်တုန်းက ကြောင်ကလေးကို လက်သည်းညှပ်ပေးခဲ့တဲ့ အကြောင်းလေ။ မင်းလည်း ခုထိ အမှတ်ရနေတဲ့ ငယ်ငယ်က မိုက်မဲမှုတစ်ခုခုကို ပြောပြပါ။ ငါ နားထောင်ချင်လို့ပါ။ - နေမျိုး

Essay

မင်းနဲ့ငါ တစ်ညတာ(နေမျိုး)

ကိုဇေယျာတိုးက ရေးတယ်။ ကျနော်က စိတ်ပါလို့ ရွတ်တယ်။ အသံဖိုင်ဖန်တီးမှု နည်းပညာနောက်ခံ အရ မကောင်းဘူး။ စိတ်ပါလို့ လုပ်တာပဲ ဟီး

ကဗျာ နာမည်က *ပုသိမ်*

ဆပ်ရိပ်ရဲ့ Conservation တွေဟာ လက်ရှိခေတ် လူငယ် လူလတ်တန်းစားအမြင့်လွှာနဲ့ လူလတ်တန်းစား တွေရဲ့ ခေတ်ရဲ့ ရိုက်ခတ်မှုကြောင့် ဖြစ်ပေါ်လာတဲ့ စိတ်ခံစားမှု အတွင်းသားအလွှာ တွေကို ကိုယ်စားပြု ပြောပြနေတယ်လို့ ကျွန်တော့်နားထဲမှာ ကြားမိတယ်။ သူဘယ်သူလဲ၊ဘာကြောင့် ဒီလိုမျိုးတွေ ရေးဖြစ်လဲ ဆိုတာကို အနည်းငယ် လေ့လာခွင့်ရတဲ့ လူငယ်တစ်ယောက်အနေနဲ့ပေါ့။ကျွန်တော်တို့က တစ်ချို့ အခြေအနေတွေမှာ နေ့လည်က ဖတ်မိတဲ့ သုခမိန်လှိုင်ရဲ့ ကဗျာ တစ်ပုဒ် လို အရူးလက်ထဲ စတီယာရင် ရောက်နေတဲ့ လေယာဉ် ပေါ်က လူတွေလို ဘဝမျိုး မဟုတ်လား။ ပျော်အောင်နေဖို့မှတစ်ပါး ထပ်မံရွေးချယ် စရာ မရှိဘူးလေ။ ကို လင်းခါးရေးတဲ့ အက်ဆေးတစ်ပုဒ် ခေါင်းစဉ်လို *တစ်ယောက်တည်း မဟုတ်ပါဘူး လို့ တစ်ယောက်တည်း ပြောပြောပီး ငိုကြရ* ဆိုတဲ့ ခံစားချက်မျိုး ကို ဒီအက်ဆေးကနေ ခံစားမိတယ်။

SY(Conservation A)

အအေးခွက်ဖယ်လိုက်ရင် ရေစက်အကွင်းလေးကျန်ခဲ့သလို မရည်ရွယ်ထားတဲ့ ကဗျာတွေ ရင်မှာ ကျန်ခဲ့ရတယ် နင်နဲ့ငါက သီးခြားစီပဲ နင်နဲ့ငါက တခုတည်းပဲ သီးခြားနေ အဖွဲ့အစည်းတခုရဲ့ စုစုပေါင်းစွမ်းအင်က ကိန်းသေပဲ နင်ပျော်ရင် ငါပျော်ပါတယ် ငါမျှော်ရင်လည်း နင်မျှော်နေမှာပဲ ဆုံတွေ့ဖို့ လိုတာက တယောက်ဆံပင်နဲ့ နောက်တယောက်ရဲ့ လက်ချောင်းတွေ သီးသန့်ပဲ ငါတို့ စိတ်တွေက ဝေးတယ်လို့မှ မရှိခဲ့တာ ဝမ်းနည်းစရာရှိလာတိုင်း နင်ရှိတယ်ကနေ နင်ရှိရင်ကောင်းမယ်လို့ ပြောင်းတွေးနေရတယ် ဒါကပဲ ဝမ်းနည်းစရာ အကြောင်းရင်းလည်း ဖြစ်ရင်ဖြစ်နေတတ်တယ် အနာဆိုတာ မနာတဲ့နေရာပါ နာရမှာပဲ အရင်ကထက် စာရင်တော့ ငါ တည်ငြိမ်သွားတယ် ရေပြင်တခုလို ငါ တည်ငြိမ်သွားတယ် နင် ဘယ်ပုံသဏ္ဍန်နဲ့ ထိမှန်လာလာ ဝိုင်းစက်မှု တမျိုးနဲ့ပဲ ဂယက်ထနေဦးမယ့် ရေပြင်တခုလို ငါ တည်ငြိမ်သွားပါတယ် ချောင်းတခုမှာ ရေနှစ်ခါမချိုးနိုင်လည်း နင်တယောက်ကိုတော့ နှစ်ခါချစ်ချင်တယ် လွဲခဲ့တယ်ဆိုတာလည်း အချိန်ကလွဲလို့ အရာရာမှန်ခဲ့သားပဲ ဖြစ်လေရာ ဘဝတိုင်းအတွက် ရောက်လေရာ ဘုရားတိုင်းမှာ ငါ နာရီလှူဖြစ်တယ် သတိရပါတယ် အစစအရာရာနဲ့ ရာရာစစပေါ့ ကလေးရယ် မြတ်ကျော်

မြတ်ကျော်

“ ညီမလေးကို ထိန်းတဲ့နေ့ ” ▬▬▬▬?? ▬▬▬ ကြည့် … ဟိုမှာ နွေနှောင်းစံပယ်တွေ လုပ်ပုံ မိုးဦးမြင်ရုံနဲ့ ညဝတ်စုံတွေ ဖရိုဖရဲ အိပ်ရာထဲထား ဒုန်းပြေးသွားကြတာ ။ . လာ…ညီမလေး ဖားကလေးတွေလို တို့လည်းမိုးရေချိုးကြမယ် အမေဆူမယ်..လား နွေမှာသားပိုက်ကောင်တွေ ၊ ဆောင်းမှာ နှံကောင်လေးတွေ ဒီလိုပဲခုန်ဆွခုန်ဆွ လုပ်ကြတာ “ကျန်းမာရေးအတွက်”လို့ ပြောလိုက်မှာပေါ့။ . လူဟာ… ကုက္ကိုပွင့်တွေလို ၊ လဲမှို့ပွင့်တွေလို သတ္တိကောင်းဖို့လိုတယ်လို့ ကိုကို ထင်တယ်ကွ။ ကြည့်…ဟိုမှာ သူတို့အမြင့်ကြီးတက်ပြီး လေထီးခုန်ကြတယ်လေ၊ ခရေတွေဆို ခုန်ချရင်း မြေကြီးကို ရေမွှေးတောင် ဆွတ်ပေးသွားသေး။ . ဒီထင်းချောင်းဟာ နန်းတော်ဟောင်းရဲ့ ခေါင်မိုးကွ ၊ သူပြောပြတာက " နိုင်သူအကုန်စားကြေးမှာ နောင်တနဲ့ ကြေကွဲခြင်းတွေလည်း ရခဲ့ပါသတဲ့" ဘာ… ညီမလေး နားမလည်ဘူး ဟုတ်လား ညည်းဇယ်တောက်တုန်းက နိုင်တဲ့ သြဇာစေ့တွေ နည်းနည်းပေး ၊ ကိုကိုက မာလကာသီး တစ်ခြမ်းကျွေးမယ် အဲ့ဒါပြောတာ ။ . မီးလုံးတွေ ထွင်တဲ့ အက်ဒီဆင်ဟာ ငယ်ငယ်က အမေးအမြန်းထူသတဲ့ ၊ ကမ္ဘာကြီးကို လင်းစေခဲ့သူမှန်သမျှ ကလေးဘ၀မှာ အမေးထူကြ ၊ စပ်စုကြတယ်၊ တွေးကြတယ်။ ညီမလေး..လာ ကိုကိုဖတ်တဲ့ စာအုပ်မှာ လာရှုပ်ပါလှည့် ၊ လူတွေက ဇာတာမှာ အသက် ၁၂၀ ရှည်စေသောဝ်၊ ကျောက်ပုစွန်ကြီးတွေ အသက်က.. ဒီထက်တောင် ကျော်သေးတယ် ၊ သူတို့သေတော့ ရုပ်ကြွင်းကို ဧည့်ခန်းမှာ အလှချိတ်ခံရ ။ . ပုစဉ်းကောင်လေးတွေ သက်တမ်းဟာ ၃၆နာရီပဲ ကြာပေမယ့် လူတွေ ဟယ်လီကော်ပတာ ထွင်ဖို့ နမူနာ ပျံပြခဲ့။ . ဆင်ကလေးတစ်ကောင် လောကကြီးထဲ ရောက်ဖို့အရေး သူတို့မေမေဗိုက်ထဲ ၂နှစ်စောင့်ရသေးတာ ဖတ်ပြတဲ့အခါ " အကြာကြီးပဲ သူတို့မပျင်းဘူးလား ဘာတွေတွေးနေကြမလဲ၊ ဘယ်လိုများနေကြမလဲ" ညီမလေးက မေးတယ်။ . အဲ့သလို တွေးစမ်းပါ့ ၊ မေးစမ်းပါ့ ဆိုတဲ့အခါ “ ခွေးတွေ ကြောင်တွေမှာ အတွေးရှိလား ”၊ “ မိုးပေါ်မှာ ကြယ်တွေကုန်သွားရင် ဘယ်လိုလုပ်မလဲ”တဲ့။ ကိုကိုလည်း စာအုပ်ကြီးတဗျန်းဗျန်းလှန် အဖြေရှာနေတုန်း ကြယ်ကြွေတာ မြင်တော့ ညီမလေးဟာ “မီးမီးအပေါ် ပြုတ်ကျရင် ဒုက္ခ” ဆိုပြီး သူ့ခေါင်းကို လက်ကလေးနဲ့ အုပ်ပြေးလေရဲ့။ . #မင်းကိုနိုင် ( ၂၀/၆/၂၀၁၇ ၊ 11:30 PM )

ညီမလေးကို ထိန်းတဲ့နေ့ (မင်းကိုနိုင်)

လင်းခါးရဲ့ လူအုပ်ထဲက အထီးကျန်မှု ဆိုတဲ့ စာအုပ်ထဲပါ အက်ဆေးတစ်ပုဒ်ကို ဖတ်ထားတာဖြစ်ပါတယ်။ စာအုပ်ကို နှစ်ကာလများ စာအုပ်တိုက်ကနေ မှာယူနိုင်ပါတယ်

လင်းခါး(တစ်ယောက်တည်းမဟုတ်ပါဘူးလို့တစ်ယောက်တည်း ပြောပြောပြီး ငိုကြရတဲ့ အကြောင်းများ)

လွန်ခဲ့တဲ့ ရက်အနည်းငယ်က ကိုကျော်မျိုးနဲ့ အပြင်မှာ လူချင်းခင်၊ သိပ်မကြာခင် အွန်လိုင်းမှာ ကဗျာ ရွတ်ဖို့ ပြော၊ ကျွန်တော်က ကဗျာမရေးတော့ သူ့ကဗျာဖတ်...ဒါပဲ

ထွေးထွေးမေ(ကျော်မျိုး)

မူးနေလို့ စိတ်ထဲ ပေါ်လာတာ ထရွတ်တာပဲ

လူဆိုတာအနွေးဓာတ်လိုတယ်(ပိုင်စိုးဝေ)

ဟော်လိုဂစ်တာတစ်လက်၊လူနာကိုင်တဲ့ လက်တွေနဲ့ ကဗျာ၊အက်ဆေး တွေ ဆက်ရေးဖြစ်ပါစေ

ဂစ်တာဝိုင်း(ဇေယျာတိုး)

ကိုလင္းခါးေရးတဲ့ ေ႐ွးေဟာင္း ေမ်ာက္မႏွင့္ အျခားအက္ေဆးမ်ား စာအုပ္မွ အပြင့္ႀကီးႀကီးလွလွ အက္ေဆးကို ရြတ္ဆိုထားျခင္းျဖစ္သည္။

အပြင့္ႀကီးႀကီး လွလွ(လင္းခါး)

ဆရာပိုင္စိုးေဝ ေရးသားတဲ့ အေမ့အတြက္ ကတ္တေလာက္ စာအုပ္သစ္ ဝတၳဳတို ကို ရြတ္ဆိုထားတာျဖစ္ပါတယ္။

ပိုင္စိုးေဝ(အေမ့အတြက္ ကတ္တေလာက္ စာအုပ္သစ္)

သေဘာက်မိတဲ့အက္ေဆးတစ္ပုဒ္

လင္းခါး(တီ႐ွပ္ျမစ္ႀကီး)

လင္းခါး(တီ႐ွပ္ျမစ္ႀကီး) Cover art photo provided by Daniel Olah on Unsplash: https://unsplash.com/@danesduet

hubhopper

Essay

hubhopper