Miscellaneous
सीमरा नरबस्तीका गोकुलप्रसाद नेपालले आँगनकै डिलमा गाडेको कलधारामा अहिले पानि आउँदैन । पाँच वर्षअघि सोही धाराको पानि प्रयोग गरिरहेको भए पनि अहिले उक्त धारा प्रयोगमै छैन । १७ वर्षअघि २८ फिट गहिराईमै पिउनयोग्य पानि भेटिएको नरबस्ती क्षेत्रमा अहिले एक सय फिट गहिराईसम्म पाइप गाडिए पनि पानि नभेटिएको उहाँ बताउनुहुन्छ । ‘पहिले घरघरै धारा थिए, सबैले आफ्नै धाराको पानी प्रयोग गर्थे ।’, उहाँ भन्नुहुन्छ, ‘तर अहिले गाडेका धारा सुके, नयाँ गाड्नेले पनि ९० फिटसम्म पानि नभेटेपछी आस मार्ने गरेका छन् ।’ गोकुल मात्रै होइन, नरबस्ती क्षेत्रका झण्डै दुई सय घरधुरीले खानेपानीका लागि गाडेका कलधारा सुकिसकेका छन् ।