Miscellaneous
L’arqueólogu ayandés Andrés Menéndez Blanco defendió na Facultá d’Hestoria de la Universidá d’Uviéu la tesis doctoral “Estudios diacrónicos del paisaxe y el poblamientu nel noroeste ibéricu: el territoriu d’Ayande (sieglos I-XIII)” centrada na evolución hestórica d’Ayande, dirixida polos profesores Margarita Fernández Mier y Francisco Javier Fernández Conde. Na mesma Andrés Menéndez estudia la evolución del poblamientu n’Ayande y los territorios inmediatos a partires de múltiples fontes y técniques d’investigación. Nella axúntase información proveniente de prospecciones y escavaciones arqueolóxiques, documentación escrita, toponimia o tradición oral, sobre la que s’apliquen les últimes técniques pal so análisis. Esta tesis ye tamién pionera nel uso de la llingua asturiana na Facultá d’Hestoria. Lo mesmo la redacción del testu que la so defensa oral realizáronse íntegramente nesta llingua. Quíxose con ello dar un pasu hacia la normalidá del uso del asturiano nel ámbitu académicu. -El mundu dende Asturies- Alderiques 2.0 ye una plataforma dixital de radio y televisión ensin porgüeyu económicu Entrevistes ya información veraz n'asturianu Inspirador y creativu: Samuel Gradín - Voz n'off: Laura Iglesia - Asesoramientu informáticu: Enol Puente -Web: https://www.alderiquesdasturies.com -Twitter: @Alderiques -Facebook: https://www.facebook.com/alderiques -Instagram: https://www.instagram.com/alderiques/ -Contautu: info@alderiquesdasturies.com